Kreu i Lëvizjes Bashkë, Arlind Qori, ka hedhur poshtë mundësinë e një koalicioni me politikanë të tjerë duke i cilësuar si të korruptuara ose të drejtuara nga figura jo parimore.
“Ne kemi parë që partitë e tjera janë tërësisht të ndryshme nga ne, ose janë të korruptuara që kanë qeverisur, ose janë produkte të këtyre të fundit. Janë të drejtuara nga politikanë jo parimorë që fusin ish-deputetë të partive që kanë sharë deri dje, që fusin prindërit në listat e deputetëve, etj. Niveli i seriozitetit është aq i ulët sa na ka distancuar gjithçka nga ta,” u shpreh Qori.
Kjo deklaratë shihet si një thumbim i drejtpërdrejtë ndaj Adriatik Lapaj, i cili ka përfshirë në listën e tij të kandidatëve të afërm të familjes. Deklarata e Qorit tregon vijën e qartë ndarëse që ai vendos mes partisë së tij dhe forcave të tjera politike.
