Pas lajmeve për përjashtimin e tij nga mundësia për të kandiduar për Këshillin Kombëtar, Andi Mustafaj, djali i ish ministrit të Jashtëm Besnik Mustafaj ka reaguar për Euronews Albania në lidhje me këtë lajm. Në një mesazh dërguar drejtueses së emisionit Review, Greta Topjana, Mustafaj thotë se ai është në listën e Diasporës dhe nuk është përjashtuar.
‘Jam tek lista Diasporës janë miratuar kuotat 15% për Diasporën dhe nuk jam përjashtuar’, ka shkruar ai.
Andi Mustafaj ishte zëdhënësi i fushatës së Partisë Demokratike në zgjedhjet e 11 majit, por pas zgjedhjeve filloi spostimi i tij. Ai dha dorëheqjen nga Forumi Brain Gain dhe në disa dalje mediatike kërkoi riformatim të Partisë Demokratike.
