Një aksident rrugor ndodhi në mbrëmjen e së premtes në zonën e Fanit, në Mirditë. Sipas policisë, të plagosur mbetën gjashtë të mitur.
Nga hetimet e para rezultoi se automjeti drejtohej nga një 16-vjeçar, i cili e kishte marrë atë pa leje dhe ka humbur kontrollin, duke u përplasur me një shtyllë ndriçimi.
Për pasojë, kanë mbetur të plagosur gjashtë të miturit, kushërinj me njëri-tjetrin.
Një vajzë 12-vjeçe ka thyer legenin, ndërsa fëmijët e tjerë kanë fraktura në pjesë të ndryshme të trupit. Të miturit janë transportuar për ndihmë të specializuar në Spitalin e Traumës në Tiranë. Paraprakisht, mjekët njoftojnë se të miturit janë jashtë rrezikut për jetën.
