Zyra Islamaj është komanduar përkohësisht në detyrën e kryetares së Bashkisë Tropojë, pas arrestimit të Rexhë Byberit. Islamaj, e cila deri tani mbante postin e nënkryetares së Bashkisë, do të drejtojë institucionin pas akuzave të ngritura ndaj Byberit dhe zv.kryetarit të bashkisë, Abedin Kërnaja.
Të dy zyrtarët akuzohen për shpërdorim detyre, duke i shkaktuar buxhetit të shtetit një dëm ekonomik të vlerësuar në 2.7 miliardë lekë të vjetra. Prokuroria ka nisur hetimet për rastin, ndërsa situata në Bashkinë Tropojë mbetet e tensionuar për shkak të këtyre zhvillimeve.
