Zyrtarja e lartë e Departametit Amerikan të Shtetit, Colleen Hyland, është takuar ditën e sotme me kreun e SPAK, Altin Dumani.
Në njoftimin e Ambasadës së SHBA në Tiranë thuhet se Colleen Hyland, drejtoreshë e Zyrës së Evropës Jugore dhe Qendrore në Departamentin e Shtetit të SHBA-së ka shprehur mbështetjen e SHBA për SPAK dhe institucionet e pavarura shqiptare, duke thënë se reforma në drejtësi ka një rol vendimtar në avancimin e rrugëtimit euroatlantik të Shqipërisë.
“Gjatë vizitës së saj sot në Tiranë, Colleen Hyland, Drejtoreshë e Zyrës së Evropës Jugore dhe Qendrore në Departamentin e Shtetit të SHBA-së, u takua me Kryeprokurorin e SPAK, Altin Dumani. Znj. Hyland përsëriti mbështetjen e plotë të Shteteve të Bashkuara për SPAK dhe institucionet e pavarura të Shqipërisë, duke theksuar rolin vendimtar të reformës në drejtësi në avancimin e rrugëtimit të Shqipërisë drejt aspiratave të saj euroatlantike”, thuhet në postimin e Ambasadës së SHBA.
