Dy ditë pas ngjarjes së rëndë ku humbi jetën një 14 vjeçar fare pranë shkollës 9 vjeçare "Fan Noli" në Tiranë, ngjarje të cilën kryeparlamentarja Elisa Spiropali nuk e përmendi dhe nuk i njohu qeverisë asnjë përgjegjësi qoftë edhe morale, por si zgjidhje ofroi ikjen nga modeli i këshillave të mërzitshme dhe mbylljen e rrjeteve sociale.
"Ne nuk mund të edukojmë fëmijët vetëm me këshillat tona të mërzitshme, por modelet që u ofrojmë". Kështu deklaroi Spiropali sot në një takim me UNICEF dhe grupin e deputetëve “Miqtë e Fëmijëve”. Për këtë ofron si zgjidhje filtrimin e mesazheve dhe rregullimin ligjor.
"Në këtë stad të shoqërisë, është detyra jonë të rrisim një brez të shëndetshëm fizikisht, shpirtërisht dhe moralisht sepse presionet që vijnë nga mjedise të ndryshme shoqërore, nga patologjitë apo defektet që mund të shkaktojnë thyerje të mëdha të fëmijët".
Ndaj dhe bëri presion deputetëve që të sjellin rregullime ligjore, të bëjnë një rivlerësim të kuadrit ligjor dhe nënligjor, si dhe veprimtarisë së agjencive për mbrojtjen e fëmijëve dhe t’i paraqesë sa më shpejtë Kuvendit propozimet ligjore dhe rekomandimet përkatëse.
