Pas Berishës, tashmë radhën për protesta para SPAK e ka kryetari i PL, Ilir Meta. Në një letër publike nga burgu për anetarët e kryesisë, Meta kërkon nisjen e protestave paqësore periodike para Prokurorisë së Posçme.
“Te nisin protestat paqesore periodike para SPAK per te denoncuar te gjitha manipulimet skandaloze te tyre ne dosjen kunder meje dhe per te denoncuar aferat skandaloze te Edi Rames qe SPAK nuk i heton”, thuhet në letër.
Kjo letër vjen pas njoftimit të SPAK se ka sekuestruar dy vila në emër të ish-bashkëshortes së tij, Monika Kryemadhit, dhe nënës së saj.
Kujtojmë se Apeli i GJKKO-së vendosi ta lërë në burg Metën, i cili u arrestua më 21 tetor, nën dyshimet për disa vepra penale, “korrupsion” në 3 raste, “pastrim parash” dhe “fshehje të pasurisë”.Ndërsa për Kryemadhin la në fuqi masa e sigurisë “detyrim paraqitje”.
