Altin Arapaj, 41-vjeçari shqiptar nga Vlora, u ekzekutua me armë zjarri në mes të vreshtave në zonën e Rafinës, në Greqi. Dyshohet se autori i krimit është një 46-vjeçar bashkatdhetar i tij, i cili thuhet të ketë pasur lidhje familjare me viktimën.
Shkak i ngjarjes dyshohet të jetë prishja e pazareve të drogës mes Arapajt dhe autorit të dyshuar.
Mediat greke raportojnë se Altin Arapaj ishte një emër i njohur për policinë vendase, pasi në të kaluarën ka qenë i përfshirë në aktivitete të paligjshme, përfshirë edhe trafikimin e lëndëve narkotike.
Gjithashtu, sipas burimeve të para të mediave greke, pak para se të ndërronte jetë, 41-vjeçari ka telefonuar bashkëshorten e tij, duke i treguar emrin e personit që e kishte qëlluar me armë.
