Një konflikt i dhunshëm është regjistruar rreth orës 23:00 të mbrëmjes së së premtes në lagjen nr. 3 të qytetit të Sarandës, në zonën e njohur si “Ekualipsi”.
Sipas informacioneve paraprake, disa persona janë përfshirë në një përplasje për motive të dobëta, duke u goditur me grushte dhe sende të forta.
Menjëherë pas njoftimit, në vendngjarje kanë mbërritur forca të shumta të Policisë së Shtetit, si dhe efektivë të FNSH-së, të cilët kanë shoqëruar në Komisariatin e Policisë Sarandë gjashtë shtetas për veprime të mëtejshme procedurale.
Burime bëjnë me dije se disa nga personat e përfshirë në konflikt janë paraqitur në Spitalin e Sarandës për të marrë ndihmën e nevojshme mjekësore.
Policia ka nisur hetimet dhe po punon për zbardhjen dhe dokumentimin e plotë të rrethanave të kësaj ngjarjeje.
