Gjashtë shtetas shqiptarë, të arrestuar në Dubai dhe të shpallur në kërkim ndërkombëtar, pritet të ekstradohen sot drejt Shqipërisë. Ata akuzohen për përfshirje në veprimtari kriminale që lidhen me trafikun e narkotikëve, pastrimin e parave dhe mashtrimin kompjuterik.
Sipas Policisë së Shtetit, ekstradimi realizohet në kuadër të bashkëpunimit mes Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe autoriteteve homologe të Emirateve të Bashkuara Arabe.
Të ekstraduarit janë:
Pritet të ekstradohen sot, nga Dubai, shtetasit:
-Kristo Qirici alias Jetmir Hoxha alias Jetmir Qirici;
-Shkelzen Kraja;
-Ilir Lazri alias Ilir Sula;
-Aleks Pepaj alias Shkelqim Pepaj;
-Devit Patrut alias Elidon Skendaj alias Devid Boraj alias Fatmir Pepaj;
-Merxhan Celiku.
Këta shtetas akuzohen për veprimtari në fushën e narkotikëve dhe/ose pastrim të produkteve të veprimtarisë kriminale, të kryera në kuadër të grupit të strukturuar kriminal.
Njoftimi
Policia e Shtetit
Pritet të ekstradohen sot, në Shqipëri, 6 shtetasit e kapur në Dubai, pjesëtarë të grupeve kriminale.
6 shtetasit ishin në kërkim ndërkombëtar për veprimtari kriminale në fushat e narkotikëve, krimeve kompjuterike dhe/ose pastrimit të parave.
Në vijim të bashkëpunimit ndërmjet Departamentit për Marrëdhëniet Ndërkombëtare në Drejtorinë e Përgjithshme të Policisë së Shtetit dhe homologëve në Emiratet e Bashkuara Arabe, do të ekstradohen sot, në Shqipëri, shtetasit:
-K. Q. alias J. H. alias J. Q., 44 vjeç; Sh. K., 44 vjeç; A. P. alias Sh. P., 38 vjeç dhe D. P. alias E. S. alias D. B. alias F. P., 39 vjeç, të gjithë të akuzuar për veprimtari në fushën e narkotikëve dhe/ose pastrim të produkteve të veprimtarive kriminale/veprës penale, kryer në kuadër të grupit të strukturuar kriminal;
-I. L. alias I. S., 30 vjeç, i akuzuar për pastrim të produkteve të veprimtarive kriminale/veprës penale, kryer në kuadër të grupit të strukturuar kriminal;
-M. C., 34 vjeç, i akuzuar për mashtrim kompjuterik, kryer në kuadër të grupit të strukturuar kriminal.
