GJKKO ka dënuar me 7 vite e 4 muaj burg shtetasin Erio Zejno, i akuzuar për përfshirje në një grup të strukturuar kriminal dhe për sigurimin e kushteve për kryerjen e vrasjeve.
Sipas vendimit të shpallur këtë të enjte, Erio Zejno u shpall fajtor për veprat penale “Sigurimi i kushteve dhe mjeteve materiale për të kryer vrasje”, “Mbajtja pa leje e armëve dhe municioneve” si dhe “Pjesëmarrje në grup të strukturuar kriminal”.
Fillimisht, Gjykata e kishte dënuar atë me 11 vite burg në total, por për shkak se procesi është zhvilluar me gjykim të shkurtuar, i pandehuri ka përfituar uljen e një të tretës së dënimit. Si rrjedhojë, dënimi përfundimtar është caktuar në 7 vite e 4 muaj burg.
Sipas dosjes hetimore të SPAK, Erio Zejno akuzohej se kishte siguruar kushte dhe mjete për organizimin e një atentati ndaj dy personave, Ervis Matodashajt dhe Inez Hajrullajt.
