Biznesmeni Pandeli Carapuli, i cili dyshohet se i dha ryshfet Belinda Ballukut një vilë luksoze në fshatin Gjilekë, Dhërmi, po hetohet për veprën penale të “pastrimit të parave”. Këtë të premte, biznesmeni Carapuli u paraqit në SPAK në praninë e avokatit të tij, ku iu komunikua fakti se është nën hetim.
Vila luksoze dyshohet se iu dha Ballukut, pasi kjo e fundit favorizoi dhe ushqeu me tendera kompaninë e tij Eurocol kur drejtonte Albcontrol. Vila është sekuestruar nga SPAK, ndërsa biznesmeni tashmë është zyrtarisht nën hetim.
Nga ana tjetër, për ish-zv.kryeministren Balluku janë ashpërsuar akuzat nga shkelje e barazisë në tendera; ajo po hetohet për korrupsion e pastrim parash, kryer në bashkëpunim. Nën hetim janë vënë dhe shumë vartës dhe ish-vartës të saj, si dhe ish-futbollisti i njohur Igli Tare.
