Gjykata e Posaçme urdhëron Drejtorinë e Përgjithshme të Burgjeve që të marrë masa të forta sigurie për Dashnor Dumanin. Ky i fundit është vëllai i Nuredin Dumanit, të penduarit të drejtësisë që ka kryer krime të rënda. Për shkak të situatës familjare, gjykata sjell në kujtesë burgjeve marrjen e masave, pasi në qeli mund t’i rrezikohet jeta. Dashnor Dumani u ekstradua nga Dubai 3 ditë më parë. Ai akuzohet si ekzekutor në masakrën e Bradasheshit me 3 viktima dhe përfshirje në grabitjen në aeroportin e Rinasit.
Më poshtë njoftimi i gjykatës:
Kërkuesi Prokuroria e Posaçme kundër Korrupsionit dhe Krimit të Organizuar
me datë 12.06.2025 ka paraqitur pranë Gjykatës kërkesën me objekt: “Marrja në pyetje
dhe verifikimi i kushteve të zbatimit të masës së sigurimit personal, caktuar ndaj
personave nën hetim Dashnor Dumani dhe Armis Stafa, në zbatim të nenit 248 të
K.Pr.Penale,”.
2. Në përfundim të gjykimit, Gjykata e Posaçme e Shkallës së Parë për Korrupsionin dhe
Krimin e Organizuar me trup gjykues të përbërë nga gjyqtari Bib Ndreca, bazuar në nenet
248, 228, 229, 230, 238, 237 dhe 245 të K.Pr.Penale, me vendimin nr. 62, datë 14.06.2025
vendosi:
1. Vazhdimin e zbatimit të masës së sigurimit personal me karakter shtrëngues
“Arrest në burg”, të parashikuar nga neni 238 i K.Pr.Penale, të caktuar ndaj
personit nën hetim, Dashnor A. Dumani, me vendimin nr. 86, datë 29.07.2024,
nga Gjykata e Posaçme e Shkallës së Parë për Korrupsionin dhe Krimin e
Organizuar.
2. Urdhërohet Prokuroria e Posaçme kundër Korrupsionit dhe Krimit të Organizuar
dhe Policia Gjyqësore, për ekzekutimin e këtij vendimi. Bazuar në parashikimet
e Ligjit 81/2020, “PËR TË DREJTAT DHE TRAJTIMIN E TË DËNUARVE ME
BURGIM DHE TË PARABURGOSURVE” dhe Ligji Nr.79/2020, PËR
EKZEKUTIMIN E VENDIMEVE PENALE, Drejtoria e Përgjithshme e
Burgjeve dhe zyrtarët përkatës të IEVP, të marrin masa për sigurinë e jetës dhe të
shëndetit të personit nën hetim, Dashnor A. Dumani, patur parasysh situatën e
tij familjare në të cilën gjendet.
3. Zëvendësimin e masës së sigurimit personal për personin nën hetim Armis Stafa,
i datëlindjes 21.10.1989, i biri i A. dhe M., lindur dhe banues në ****
, banesa
****
, rruga ****, lagje ****, caktuar ndaj tij me vendimin nr. 86, datë
29.07.2024, të Gjykatës së Posaçme të Shkallës së Parë për Korrupsionin dhe
Krimin e Organizuar nga ajo e “Arrestit në burg”, të parashikuar nga neni 238 i
K.Pr.Penale, në masën e sigurimit “Arrest në shtëpi”
, parashikuar nga neni 237 i
K.Pr.Penale.
4. Urdhërohet personi nën hetim Armis Stafa të mos largohet nga banesa e tij e cila
ndodhet në ****
, banesa ****, rruga ****, lagje ****
, Bashkia ****, të mos
komunikojë apo kontaktojë me persona të tjerë me përjashtim të personave
familjarë të afërt të tij, me të cilët jeton.
Rruga “Jordan Misja” Nr.1, 1057 Tiranë; tel/fax 0035542231527; ëëë.gjp.gov.al5. 6. Urdhërohet Prokuroria e Posaçme Kundër Korrupsionit dhe Krimit të Organizuar,
dhe Policia Gjyqësore, për ekzekutimin e menjëhershëm të këtij vendimi nëse ai
nuk është në zbatim të ndonjë mase tjetër sigurimi apo dënimi alternativ për
personin nën hetim Armis Stafa.
Kundër këtij vendimi lejohet e drejta e ankimit brenda 5 (pesë) ditëve, duke filluar
ky afat nga e nesërmja e njoftimit të këtij vendimi, në Gjykatën e Posaçme të
Apelit për Korrupsionin dhe Krimin e Organizuar.
