Një ngjarje e rëndë e dhunës në familje është regjistruar pasditen e së shtunës në lagjen nr. 1 të Pogradecit, ku një grua e moshuar ka mbetur e plagosur rëndë pasi dyshohet se është goditur nga bashkëshorti i saj.
Sipas informacionit paraprak të Policisë, rreth orës 16:10, shtetasi M. Sh., 78 vjeç, gjatë një konflikti të ndodhur në banesë, dyshohet se ka goditur në kokë me një shkop druri bashkëshorten e tij, shtetasen Sh. Sh., 69 vjeçe.
E moshuara ka marrë dëmtime të rënda dhe fillimisht është transportuar në spitalin e Pogradecit, ku ka marrë ndihmën e parë mjekësore. Për shkak të gjendjes së saj shëndetësore, është vendosur transportimi urgjent me helikopter drejt Spitalit të Traumës në Tiranë, ku do t’i nënshtrohet trajtimit të specializuar.
Autori i dyshuar i ngjarjes, Muhamet Shembliko, është shoqëruar në Komisariatin e Policisë Pogradec, ndërsa ndaj tij po kryhen veprimet procedurale përkatëse.
