Të shtëna me armë zjarri drejt një servisi celularësh në Babrru, policia kap autorin e dyshuar
Të shtëna me armë zjarri janë regjistruar mbrëmjen e së enjtes në zonën e Babrrusë, në Kamëz.
Sipas informacionit paraprak të Policisë, rreth orës 20:25, një person dyshohet se ka qëlluar me armë zjarri në drejtim të një servisi celularësh që ishte i mbyllur në momentin e ngjarjes dhe më pas është larguar nga vendi i ngjarjes.
Menjëherë pas njoftimit, shërbimet e Policisë janë vënë në ndjekje të autorit të dyshuar dhe rreth 3 kilometra larg vendit ku ndodhi incidenti kanë bërë të mundur kapjen dhe shoqërimin e shtetasit me iniciale R. M., rreth 18 vjeç.
Fatmirësisht, nga të shtënat nuk raportohet për persona të lënduar apo dëme në njerëz.
Grupi hetimor po punon për zbardhjen e plotë të rrethanave të ngjarjes dhe dokumentimin ligjor të saj, ndërsa Policia pritet të japë detaje shtesë pas përfundimit të veprimeve hetimore.
NJOFTIMI I POLICISË
Kamëz/Informacion paraprak
Rreth orës 20:25, në Babrru, dyshohet se është qëlluar me armë zjarri në drejtim të një subjekti të mbyllur (servis celularësh), dhe më pas autori është larguar nga vendi i ngjarjes.
Menjëherë pas marrjes së njoftimit, shërbimet e Policisë kanë shkuar në vendngjarje, i janë vënë në ndjekje autorit të dyshuar dhe, rreth 3 km larg vendit të ngjarjes, kanë bërë të mundur kapjen dhe shoqërimin e shtetasit R. M., rreth 18 vjeç, për veprime të mëtejshme procedurale.
Aktualisht, nuk ka të dhëna për persona të dëmtuar/lënduar.
Grupi hetimor po punon për sqarimin e rrethanave të rastit, si dhe për dokumentimin e plotë ligjor të tij.
Në përfundim të hetimeve do të jepet një njoftim më i plotë për rastin.
