Është marrë në pyetje nga Komisariati Nr. 1 në Tiranë administratorja e kompanisë Sori-Al, Alma Tafani, në lidhje me rastin e helmimit të studentëve në Akademia e Sigurisë.
Gjatë dëshmisë së saj, Tafani ka deklaruar se furnizimi me ushqim për studentët është kryer çdo ditë në përputhje me kontratën, ndërsa ka theksuar se përgatitja dhe shpërndarja e vakteve janë realizuar sipas procedurave standarde dhe duke respektuar kushtet e higjienës.
Në kuadër të hetimeve janë marrë në pyetje edhe kuzhinieri, stafi përgjegjës për ndarjen e ushqimit në porcione, personeli i shpërndarjes, si dhe studentët e prekur nga helmimi.
Deri në këtë fazë, nuk ka persona të vendosur nën hetim për ngjarjen. Hetuesit po vijojnë mbledhjen e provave, ndërsa pritet që Prokuroria të vendosë mbi përgjegjësitë lidhur me helmimin e 64 studentëve të Akademia e Sigurisë.
