Një ngjarje e rëndë u regjistrua në Lezhë. Një 28-vjeçar tentoi të vriste nënën e bashkëjetueses së tij, duke e goditur me automjet, por më pas përfundoi në pranga.
Sipas policisë ezulton se, rreth orës 02:05, në lagjen “Skënderbeg”, në Lezhë, Cuf Behi shkoi me makinë për të marrë bashkëjetuesen.
Në këtë moment kanë dalë familjarët e saj dhe, për motive që lidhen me marrëdhëniet familjare, ai dyshohet se ka përplasur me automjet nënën e bashkëjetueses, shtetasen K. H., 43 vjeçe, duke i shkaktuar dëmtime trupore. E dëmtuara u trasportua për në spitalin e Traumës, për të marrë ndihmë mjekësore, ndërsa i dyshuari u arrestua.
Ndaj 28-vjecarit rëndon vepra penale “Vrasja për shkak të marrëdhënieve familjare”, mbetur në tentativë.
