Katër persona të plagosur janë paraqitur mbrëmjen e sotme në spitalin e Traumës. Ata janë qëlluar me armë zjarri, ndërsa dy prej tyre janë të mitur: Arens Stafa, 34 vjeç, M.D, 17 vjeç, të cilët janë të dëmtuar në dorë dhe krah. Ndërsa D.D, 11 vjeç dhe Kian Mullaj, 19 vjeç, janë futur në sallë të operacionit.
Policia dhe grupi hetimor kanë mbërritur në vendin e ngjarjes, ndërsa janë ngritur pika kontrolli me qellim identifikimin dhe kapjen e autoreve.
Njoftimi i policisë:
Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Për këtë ngjarje do të kemi informacion më të zgjeruar pas sqarimit të plotë të rrethanave të rastit.
