Një vrasje u regjistrua pak minuta në parë në Pllane të Lezhës. Sipas të dhënave paraprake, viktimë ka mbetur Gjovalin Prendi, babai i Rohan Brahimit alias Sidorel Prendit i vrarë më 9 maj 2024 në Athinë.
Brahimi njihej si kundërshtar i Ervis Martinajt, mbretit të kumarit të zhdukur pa gjurmë.
Rohan Brahimi, njihej për miqësinë me Durim Bamin të fortin e Niklës. Ai dyshohet se mori pjesë në atentatin ndaj Gentjan Bejtjas në fshatin Larush të Fushë Krujës.
Gjovalin Prendi është qëlluar brenda në një lokal tek ura e vjetër e Milotit. Policia ndodhet në vendngjarje dhe ka nisur hetimet për zbardhjen e plotë të saj.
Njoftimi i policisë:
Në fshatin Pllanë, në rrethana ende të paqarta është vrarë me armë zjarri shtetasi Gj. P. 64 vjeç, banues në Pllanë, Lezhë.
Forca të shumta të Policisë kanë shkuar në drejtim të vendit të ngjarjes të mbështetura nga Forca Kombëtare e Sigurisë, Njësia Shkodër.
Ndërkohë është ngritur një grup i posaçëm hetimor i cili ka shkuar në vendin e ngjarjes, dhe nën drejtimin e Prokurorit, po kryejnë veprimet hetimore me qëllim zbardhjen e ngjarjes.
