Gjykata e Elbasanit ka vendosur masën e sigurisë “Arrest me burg” për producentin Petri Bozo, pas kërkesës së paraqitur nga prokuroria gjatë seancës gjyqësore.
Sipas burimeve nga seanca, organi i akuzës ka paraqitur prova dhe argumente që, sipas tij, justifikojnë masën më të rëndë të sigurisë. Kërkesa është pranuar nga trupa gjykuese, duke lënë producentin në paraburgim deri në përfundim të hetimeve.
Nga ana tjetër, avokatët mbrojtës kundërshtuan vendimin dhe kërkuan një masë më të lehtë sigurie, por gjykata vendosi që Petri Bozo të vijojë të qëndrojë në burg.
Çështja ka marrë vëmendje të gjerë publike dhe priten zhvillime të tjera në ditët në vijim.
