Një zjarr ka rënë mbrëmjen e sotme në ambientet e sallës së network-ut në Drejtorinë Vendore të Policisë Tiranë. Sipas informacionit paraprak, ngjarja është regjistruar rreth orës 18:10 dhe dyshohet se shkak është bërë një shkëndijë elektrike.
Burime zyrtare bëjnë me dije se flakët janë izoluar dhe shuar në një kohë të shkurtër, ndërsa si pasojë janë djegur disa kablla elektrikë në ambientet e brendshme të sallës teknike.
Ndërkohë, grupi hetimor po punon për zbardhjen e plotë të rrethanave të incidentit dhe për përcaktimin e shkakut të saktë të zjarrit.
Sakaq, mësohet se Agjencia e Mbikëqyrjes Policore ka nisur verifikimet dhe hetimet ndaj punonjësve përgjegjës, si edhe ndaj kompanisë private që ofron shërbimin e mirëmbajtjes dhe menaxhimit të sistemit teknik në DVP Tiranë.
Tiranë/Informacion paraprak
Rreth orës 18:10, dyshohet se si pasojë e një shkëndije elektrike, ka rënë zjarr në sallën e network-ut të DVP Tiranë.
Zjarri është izoluar dhe fikur në një kohë të shkurtër. Si pasojë janë djegur disa kabuj elektrikë.
Grupi hetimor po punon për sqarimin e rrethanave të rastit.
