Vëllezërit Klement dhe Eldi Çala i janë drejtuar Gjykatës Kushtetuese për çështjen e grabitjes së bujshme në aeroportin e Rinasit, duke kundërshtuar vendimin më të fundit të dhënë nga Gjykata e Lartë. Kërkesa është depozituar zyrtarisht të hënën nga përfaqësuesit e tyre ligjorë.
Përmes avokatëve Evjola Shehu dhe Neshat Fana, ata kërkojnë shfuqizimin e vendimit aktual dhe rikthimin e dosjes për një shqyrtim të ri gjyqësor. Në argumentet e paraqitura pretendohet se gjatë procesit janë shkelur standardet e procesit të rregullt ligjor, si dhe të drejtat e garantuara nga Kushtetuta.
Çështja lidhet me grabitjen spektakolare të ndodhur në aeroportin e Rinasit, një nga ngjarjet kriminale më të komentuara në Shqipëri gjatë viteve të fundit.
