Argita Malltezi ne një emision televiziv e ka mohuar se do të jetë në krye të demokratëve. Ajo përmendi Belind Këlliçin dhe Myslym Murrizit si dy emra të cilët janë kundër drejtimit të Rithemelimit nga ajo.
Sipas saj, arsyeja e daljes në media, është të përcjellë zërin e babait të saj Sali Berisha dhe bashkëshortit Jamarbër Malltezi, të cilët për shkak se janë në arrest shtëpie, nuk mund të dalin dhe të flasin lirshëm.
“Arsyeja pse kam dalë tani është për ti dhënë zë kësaj beteje politike që babai dhe bashkëshorti im nuk i japin dot për shkak të një vendimi të padrejtë gjykate. Rikthimi i Berishës në liri nuk do e bënte të nevojshme daljen time politike. PD ka një pjesë njerëzish që ndoshta do më shihnin më të favorshëm nëse do kandidoja, por ka edhe mendje ndryshe siç janë zoti Murrizi dhe zoti Këlliçi”, tha Argita Malltezi.
