Këtë të premte u zhvillua mbledhja e parë e Komisionit Anti-Korrupsion me drejtues Fatmir Xhafajn.
Opozita ka bojkotuar mbledhjen ndërkohë Xhafaj u bëri thirrje të ulen në tryezë.
Deputetë të opozitës e kanë parë Komisionin Anti-Korrupsion si tentativë të mazhorancës për të ushtruar presion mbi organet e reja të drejtësisë nëpërmjet këtij komisioni.
"I keqardhur që opozita nuk i është përgjigjur kësaj ftese për bashkëpunim, këtij detyrimi të përbashkët për angazhim në këtë komision që buron nga kushtetuta dhe rregullorja e kuvendit.Ky komision do adresojë çështje me rëndësi jetike për të ardhmen e vendit, përtej interesit të partive tona, i shërben forcimit dhe modernizmit të shtetit, të ardhmes së vendit tonë." tha Xhafaj
Komisioni i Posaçëm do të zhvillojë veprimtarinë e tij në një afat kohor 10 mujor.
