Një konflikt i çastit mes dy fqinjëve në fshatin Torovicë të Lezhës ka përfunduar me një të plagosur, pas përdorimit të sëpatës nga njëri prej tyre. Ngjarja ka ndodhur pas një përleshjeje, ku një prej fqinjëve ka pësuar disa lëndime trupore.
I plagosuri është transportuar menjëherë në spitalin e Lezhës, ku po merr ndihmën e nevojshme mjekësore. Sipas mjekëve, gjendja e tij është e qëndrueshme, por ka pësuar dëmtime të konsiderueshme në trup.
Aktualisht, nuk dihen ende shkaqet e konfliktit që çoi në përshkallëzimin e situatës dhe përdorimin e dhunës. Policia ka nisur hetimet për të zbardhur rrethanat e ngjarjes dhe për të marrë dëshmitë e të përfshirëve.
