Një aksident me vdekje ka ndodhur këtë të shtunë në Shkodër. Një 21-vjeçar ka përplasur një 70-vjeçar, i cili ka ndërruar jetë në vendngjarje. I moshuari që ndërroi jetë është shtetasi Pal Bicuku, ndërsa shoferi që shkaktoi aksidentin është Valter Doçaj. “Shkodër/ Informacion paraprak Rreth orës 19:35, në lagjen Draçin, shtetasi V. D., 21 vjeç, duke drejtuar automjetin, ka përplasur këmbësorin, shtetasin Pal Bicuku, 70 vjeç, i cili si pasojë e përplasjes ka humbur jetën në vendngjarje. Shtetasi Valter Doçaj u shoqërua në Komisariat për veprime të mëtejshme. Grupi hetimor po punon për sqarimin e plotë të rrethanave të aksidentit”, tha policia.
