Garda Civile e Mequinenza në Spanjë ka realizuar operacionin “MEFA”, duke zbuluar një plantacion me mbi 1500 bimë marijuanë në komunën e Fayón. Operacioni çoi në arrestimin e tre shqiptarëve mes tyre dhe një i mitur, si të dyshuar për krime kundër shëndetit publik dhe anëtarësim në grup kriminal.
Plantacioni u gjet në “Barranco de los lobos”, një zonë pyjore e vështirë për t'u arritur, afër lumit Matarraña. Agjentët zbuluan gjashtë tarraca me një sistem vaditjeje të avancuar, një pellg uji dhe një pompë nxjerrjeje, të gjitha të alimentuara nga një gjenerator benzine.
Përveç kësaj, në zonë u gjetën bivuakë për tharjen e lëndës, një kuzhinë dhe hapësira për pushim, duke treguar se të arrestuarit kalonin shumicën e kohës atje. Në dhomën e tharjes u sekuestruan gjashtë qese plastike me mbi 36 kilogramë marijuanë.
