Rasti i motrave Berisha, Antonela dhe Mariela, që u vetëdorëzuan pasi kaluan dy muaj të arratisura në Dubai pas një incidenti të dhunshëm, ngre disa pyetje shqetësuese mbi fuqinë dhe paprekshmërinë që disa figura publike në Shqipëri duket se kanë fituar.
Motrat Berisha u shpallën në kërkim për sulmin brutal ndaj Klea Prengës.
Periudha dy mujore e arratisë së tyre nuk ngjalli as ndjenjën më të vogël të pendesës apo reflektimit, por u shfrytëzua për pushime në një prej destinacioneve më luksoze si Dubai. Ky “pushim arratisjeje” i dha të dyjave mundësinë të shijojnë jetën e luksit dhe kur morën sigurinë se ligji nuk do t’i prekë u vetëdorëzuan sikur të mos kishin bërë asnjë gabim.
Rikthimi i Antonelës në Tiranë dhe pritja e ngrohtë që ajo mori nga ndjekësit dhe miqtë e saj, me buqeta lulesh dhe mbishkrime si “Mirë se u ktheve, bisha,” vetëm thellojnë indinjatën e opinionit publik. Ndërkohë që viktima e dhunës, Klea Prenga, mbetet e traumatizuar nga sulmi, motrat Berisha duken të vendosura për të vazhduar jetën pa u ndëshkuar, me ndjekës që u mbështesin dhe ndoshta edhe i shohin si modele force.
Në një shoqëri ku të gjithë janë të barabartë përpara ligjit duket se "blogeret" kanë fituar privilegje publike
