Komisioni Hetimor për shërbimet publike të sterilizimit dhe check-up-it në shëndetësi ka nisur me akuza nga kryetarja e komisionit, Albana Vokshi. Ajo akuzoi socialistët për mbledhje të njëanshme dhe moslajmërim të deputetëve demokratë, përfshirë atë vetë, në cilësinë e kryetares.
Në një letër drejtuar kryetares së Kuvendit, Elisa Spiropali, Vokshi ka kërkuar zëvendësimin e Plarent Ndrecës, nënkryetarit socialist të komisionit, duke e akuzuar atë për bashkëpunim në përpjekjet e socialistëve për të sabotuar punën e komisionit.
Sipas Vokshit, socialistët po përpiqen të mbyllin komisionin për të fshehur abuzimet e rënda me koncesionet në shëndetësi, të cilat, sipas saj, arrijnë deri në 200 milionë euro. “Keni futur në shinat e paligjshmërisë për ta dështuar, por kjo nuk ka për të ndodhur,” u shpreh Vokshi.
