Një dokument arkivor i vitit 1977, zbulon masat që duheshin marrë ndaj popullit që pinte 4-5 kafe në ditë… dhe konsumonte ëmbëlsira me shumë sheqer…
Përballë krizës të botës kapitaliste, e cila nuk pyeste për fatet e popujve, udhëheqja komuniste e Shqipërisë diskutonte me detaje, se si ushqimet që i bënin keq popullit, si kafja dhe ëmbëlsirat, duhej të zëvendësoheshin me çaj mali, kafe elbi, kafe qiqrash apo që thjesht të konsumohej më pak sheqer për ëmbëlsirat dhe vaj.
Siç thotë edhe një parrullë e lavdishme e udhëheqjes komuniste: “Mendje e shëndoshë në trup të shëndetshëm”, do duhej që kolektivat bazë të partisë të diskutonin seriozisht për të vënë popullin në dietë. Teksa bota kapitaliste ishte në krizë dhe çmimet e kafes, sheqerit, vajit, ishin rritur shumë, udhëheqësit komunistë shqiptarë udhëzonin organizatat e partisë dhe pleniumin e saj për të marrë masa që popullit të konsumonte më pak kafe, më pak ëmbëlsira dhe më pak vaj luledielli.
Nga këto masa në të mirë të popullit, shqiptarët gutën në konsumin e tyre të përditshëm kafen e elbit, qiqrat, kallam sheqerin nga panxhari, vajin e kikirikut…
