Prokuroria e Korçës ka dërguar në një laborator privat në Itali kameran e brendshme të lokalit “Stropcka” në Pogradec dhe DVR e një marketi afër të njëjtin lokal për të hedhur dritë mbi vrasjen e Egli Progës gushtin e 2024. Prokuroria kërkon nga ekspertët e laboratorit rikthimin e pamjeve të kameras së lokalit dhe nëse ka patur tentativa për fshirje. Nëse po nga cila IP është bërë fshirja e pamjeve.
Pas muajsh të tërë hetimesh, prokuroria përfundoi hetimet dhe ngriti akuzë për vrasje me dashje ndaj Denis Meces, ndërsa Leonidha Guçe, Voltan Shkullaku dhe Arjan Manellari, akuzohen për moskallëzim krimi dhe veprime që pengojnë zbardhjen e së vërtetës. Pak ditë pas përfundimit të hetimeve u arrestuar dhe Andi Shkulaku, dëshmitar kryesor në ngjarje. Por përplasja mes të pandehurve dhe qëndrimet kontradiktore të tyre, moment pas momenti lidhur me përplasjen që dyshohet se kishte ndodhur brenda lokalit, bëri që prokuroria të kthente sytë jashtë vendit për ndihmë. Denis Meçe tha ndër të tjera Proga është goditur brenda lokalit edhe nga Leonidha Guçe, por ky i fundit e mohon.
Dëshmitari kryesor Andi Shkulaku ka ndryshuar disa herë qëndrimin. Ndaj mundësia e vetme që prokuroria të mësojë të vërtetën lidhur me zhvillimet e ndodhura brenda lokalit është të rikthejë pamjet filmike të kamerave. Ekspertët në Shqipëri dështuan të kthenin pamjet. Ndaj, prokuroria shpreson që laboratori në Itali, që konsiderohet ndër më të specializuarit do të mund të rikthejë pamjet dhe në këtë mënyrë do të përcaktohet dimanika e plotë e krimit. Vrasja e Egli Progës u shoqërua me protesta dhe përplasje të forta mes institucioneve.
