Jo vetëm Elvis Doçi, por në grupin kriminal të Durrësit kishte dhe një tjetër nip të Xhevdet Troplinit. Bëhet fjalë për Indrit Tafilin, i cili rezulton të jetë një tjetër figurë qendrore në grupin kriminal që trafikonte kokainë dhe kryente pastrim parash.
Ky grup u godit këtë të mërkurë nga SPAK në kuadër të operacionit të koduar “Ura,” që u zhvillua në Shqipëri dhe Itali. Erind Lasku, një tjetër familjar i Xhevdet Troplinit, merrej me pjesën e pastrimit të parave. Ai rezulton i martuar me mbesën e Xhevdet Troplinit, i njohur si Poja. Paratë “cash” transportoheshin me autobusë udhëtarësh, ndërkohë që Lasku bënte koordinimin dhe mbledhjen e parave.
Xhevdet Troplini, i njohur si Poja, është një ish i dënuar për trafik heroine. Ai ka ngritur një perandori biznesi vitet e fundit dhe klani i tij kriminal shihet si më me ndikim në Durrës.
