Ish-presidenti Ilir Meta do të lërë sërish qelitë e paraburgimit të mërkurën, nga ora 09:00 deri në 21:00, për të qenë pranë familjes së tij dhe për të pritur familjarë, miq e të afërm që do të shprehin ngushëllimet për ndarjen nga jeta të babait të tij, Rexhep Meta.
Meta u shoqërua këtë të martë nga Drejtoria e Përgjithshme e Burgjeve për t’i dhënë lamtumirën e fundit të atit, i cili ndërroi jetë në moshën 83-vjeçare. Ish-presidenti mbahet në paraburgim që prej tetorit të vitit 2024.
