Rexhep Meta, babai i ish-Presidentit të Republikës dhe kreut të PL, Ilir Meta, është ndarë nga jeta. Ceremonia e lamtumirës do të zhvillohet në vendlindjen e familjes, në fshatin Çepan të Skraparit.
Burime zyrtare bëjnë me dije se Ilir Meta do të jetë i pranishëm në ceremoninë mortore, pas miratimit të një lejeje të posaçme nga organet kompetente. Autoritetet penitenciare pritet të organizojnë shoqërimin e tij drejt vendit ku do të zhvillohen homazhet dhe varrimi.
Mësohet se autorizimi për pjesëmarrjen e Metës është dhënë nga Prokuroria e Posaçme, ndërsa procedurat për transportin dhe sigurinë e tij janë koordinuar nga institucionet përgjegjëse.
Ish-kreu i shtetit ndodhet në paraburgim prej tetorit 2024, pas arrestimit të tij në kuadër të hetimeve të zhvilluara nga organet e drejtësisë. Pavarësisht statusit të tij aktual, ligji parashikon mundësinë e dhënies së lejeve të veçanta në raste humbjeje të familjarëve të afërt.
