Kryeministrja e Italisë, Giorgia Meloni, ka theksuar se qendrat e pritjes për emigrantët në Shqipëri do të funksionojnë. Ajo e shpjegoi këtë në një intervistë për emisionin "Quarta Repubblica" në Rete4, duke siguruar se ka zgjidhje dhe se është duke punuar për realizimin e këtij projekti.
Meloni theksoi se ky projekt është inovativ dhe se vëmendja që po i kushtohet nga vendet e Bashkimit Evropian nuk është e rastësishme. Ajo e quajti këtë një ndryshim të rëndësishëm në menaxhimin e flukseve migratore, duke shtuar se pret një vendim nga Gjykata Supreme dhe Gjykata e Drejtësisë e BE-së. Kryeministrja u shpreh gjithashtu se është duke punuar edhe për mundësi të tjera dhe është e bindur se projekti do të realizohet.
