Ish-kryeministri Sali Berisha ka përkujtuar në Kuvend profesor Sami Repishtin, aktivistin e njohur amerikano-shqiptar që u nda nga jeta disa ditë më parë.
Në fjalën e tij, Berisha e cilësoi Repishtin si një “kollos të mendimit intelektual shqiptar, një avokat të pamposhtur të çështjes kombëtare dhe një luftëtar të paepur kundër diktaturës komuniste”. Ai theksoi kontributin e Repishtit në mbrojtjen e të drejtave të shqiptarëve, veçanërisht për çështjen e Kosovës, si dhe rolin e tij si zë i fortë në diasporën shqiptare.
Berisha ftoi parlamentin të mbajë një minutë heshtje për nder të tij.
