Sot në Kuvend zhvillohet seanca plenare e radhës, ku pritet të miratohet buxheti për vitin 2025 me vlerë 8.2 miliardë euro. Pas kalimit të fazës së shqyrtimit dhe diskutimeve në komisionet parlamentare, buxheti do të votohet nen për nen.
Gjithashtu, seanca e sotme shënon rikthimin në parlament të kreut të Partisë Demokratike, Sali Berisha, pas 11 muajsh nën masën e sigurisë “arrest në shtëpi”.
Partia Demokratike ka depozituar 34 amendamente për buxhetin e vitit të ardhshëm, të cilat do të diskutohen gjatë seancës. Priten debate të shumta mes mazhorancës dhe opozitës për çështjet kyçe që lidhen me alokimin e fondeve dhe prioritetet ekonomike të qeverisë për vitin e ardhshëm.
