Ish-kryeministri Sali Berisha është rikthyer sot në Kuvend, pas përjashtimit të tij në dhjetor të vitit të kaluar. Berisha akuzoi kryeministrin Edi Rama për tentativë për të shkatërruar opozitën dhe për grusht shteti ndaj pluralizmit në Shqipëri.
Berisha theksoi se përjashtimi i tij më 21 dhjetor 2022 ishte një akt i organizuar me mbështetjen e disa individëve ndërkombëtarë, duke përmendur George Sorosin dhe ish-zyrtarin e FBI-së Charles McGonigal. Ai e cilësoi këtë si një përpjekje për të eliminuar opozitën dhe për të ndjekur interesa anti-shqiptare.
“Ju, me 21 dhjetor, votuat për të kompletuar grushtin e shtetit ndaj opozitës shqiptare, duke ndjekur agjendën e George Sorosit, kësaj monstre të njerëzimit, dhe duke përdorur McGonigal për të ndëshkuar opozitën,” deklaroi Berisha.
Në fund të fjalimit, Berisha u shpreh i vendosur: “Vij këtu fitimtar, për të udhëhequr opozitën drejt fitores.”
