Arlind Qori, drejtues i Lëvizjes Bashkë, ka reaguar pas debatit në Kuvend mbi amendamentin e propozuar nga deputeti i PD-së, Flamur Noka, për vendosjen e minimumit jetik prej 200 euro për familjet në nevojë. Qori akuzoi opozitën parlamentare se po kopjon idetë dhe propozimet e lëvizjes së tij, duke theksuar se ky projektligj ishte paraqitur që në vitin 2022 nga Lëvizja Bashkë.
"Qeveria refuzoi projektligjin e minimumit jetik. Ky projektligj është nisur që në vitin 2022 nga Lëvizja Bashkë dhe pastaj na kanë kopjuar lloj lloj partie opozitare parlamentare. " tha Qori
Ai gjithashtu kritikoi ministren e Shëndetësisë dhe Mbrojtjes Sociale, Albana Koçiu, e cila e cilësoi këtë propozim si të pamundur dhe të paqëndrueshëm. “Qeveria justifikohet me utopi, ndërsa subvencionon oligarkët, koncesionet dhe partneritetet publike-private me qindra milionë euro në vit. A nuk është kjo utopi e vërtetë?” shtoi Qori.
