Një lokal është përfshirë nga flakët dhe është shkrumbuar totalisht gjatë natës në Tiranë. Policia tha se ngjarja ka ndodhur rreth orës 03:25, ku dyshohet se si pasojë një defekti teknik ka rënë zjarr në lokalin në pronësi te shtetasit E. A.
Si pasojë lokali është djegur plotësisht. Punohet për sqarimin e plotë e rrethanave te rastit.
Ndërkohë, mëngjesin e ditës së sotme ka rënë zjarr në katin e tretë të një banese në Shkozë, ku janë shkaktuar vetëm dëme materiale.
Shërbimet e Policisë bënë evakuimin e banorëve dhe së bashku me grupin hetimor po punon për percaktimin e shkakut të zjarrit.
