Pas humbjes së republikanëve në zgjedhjet e mesmandatit, Shtëpia e Bardhë ka zgjedhur një mënyrë të pazakontë për t'u kujtuar amerikanëve se Donald Trump vazhdon të jetë presidenti i Shteteve të Bashkuara: e ka shndërruar atë në protagonistin e një videoloje.
Në videon e publikuar nga Shtëpia e Bardhë, presidenti amerikan shfaqet si një personazh i animuar në stilin e lojës së njohur The Legend of Zelda, me një kapele të kuqe ku shkruhet “Still Your President” (Ende presidenti juaj).
Videoja shoqërohet me mesazhin: “Është e rrezikshme të dalësh atje, merre këtë me vete”.
Trump shfaqet duke vrapuar në një pistë virtuale, ndërsa gjatë lojës renditen ato që administrata e tij i paraqet si arritje të mandatit presidencial, përfshirë uljen e çmimeve të ilaçeve dhe frenimin e emigracionit të paligjshëm.
Në skenën përmbyllëse, presidenti amerikan shfaqet duke nënshkruar një urdhër ekzekutiv në Zyrën Ovale, ndërsa në ekran shfaqet mesazhi: “Presidenti Trump po punon shumë për ta bërë Amerikën përsëri të madhe”.
Me republikanët që kanë humbur kontrollin e Kongresit, Shtëpia e Bardhë ka zgjedhur t'i përgjigjet realitetit të ri politik me një videolojë ku Trump mbetet heroi kryesor dhe beteja për Amerikën vazhdon.
