Njëra kompani, që vepronte në sektorin e përpunimit të metaleve të çmuara, me seli në Milano dhe Alessandria, dyshohet se kishte shërbyer për blerjen e afro 8 kilogramëve shufra ari.
Kompania tjetër funksiononte, sipas hetuesve, si një “kasafortë” e organizatës kriminale, duke investuar të ardhurat e paligjshme në sektorin e pasurive të paluajtshme.
Hetimi, i zhvilluar edhe në bashkëpunim me SPAK, përfshin 52 persona dhe dy kompani, për veprimtari të dyshuara të kryera gjatë viteve 2019–2022.
Gjatë hetimeve janë sekuestruar mbi 1.5 milionë euro para të gatshme dhe rreth 32 kilogramë lëndë narkotike, përfshirë kokainë, heroinë dhe marihuanë. Gjashtë persona janë arrestuar në flagrancë.
Sipas hetuesve italianë, organizata përdorte komunikime të enkriptuara për të koordinuar trafikun e drogës dhe lëvizjen e parave ndërmjet Italisë, Holandës, Gjermanisë dhe Shqipërisë.
Për dy kompanitë e sekuestruara është caktuar administrim gjyqësor, ndërsa hetimi synon të zbardhë të gjithë mekanizmin financiar të organizatës.
