Mark Antony Samson, 23-vjeçari me origjine tajlandeze, i cili vrau dhe hidhi në një greminë trupin e pajetë të studentes shqiptare, Ilaria Sula, ka rrëfyer në 5 orën seancë gjyqësore, se krimin e ka kryer vetëm.
Sipas mediave italiane, autori deklaroi se nuk e kishte paramenduar krimin dhe se vrasjen e ish-të dashurës së tij, e ka kryer mëngjesin e 26 marsit, pasi Ilaria kaloi natën në shtëpinë e tij.
I dyshuari shpjegoi se e reja kishte shkuar në banesën e tij mbrëmjen e datës 25 për t’i kthyer disa nga rrobat e tij. Sipas 23-vjeçarit, Ilaria kishte qëndruar në shtëpinë e tij deri vonë dhe më pas kishte vendosur të flinte aty për të shmangur transportin publik.
Sipas djalit, së fundmi ai dhe Ilaria i kishin dhënë fund një lidhjeje që kishte vazhduar prej disa muajsh me ulje-ngritje.
“Unë i bëra të gjitha vetë”, është shprehur ai në gjykatë, ndërsa ka heshtur kur është pyetur për rolin e prindërve të tij, të cilët kanë qenë në shtëpi natën që ndodhi krimi.
Mësohet se Mark ka rrëfyer se e ngarkoi trupin e pajetë të Ilarias në makinë, pasi e mbylli në një valixhe, duke e braktisur në një luginë.
23-vjeçari po ashtu ka pohuar gjithashtu se e kishte pastruar vetë vendin e sulmit në banesën e tij.
Babai dhe nëna e tij aktualisht nuk janë nën hetim, por hetuesit po studiojnë pozicionin e tyre për të kuptuar nëse ka pasur ndonjë përfshirje në fshehjen e trupit.
