Sot në orën 11:00, në mbledhjen e asamblesë së ortakëve të shoqërisë “Finman” shpk, që zotëron shoqëritë “Albstar” shpk, “Manastiri Resort” shpk, “Arena Center” shpk dhe shumë shoqëri të tjera, ortaku maxhoritar Idajet Ismailaj, së bashku me djalin e tij Florid Ismailaj dhe bodigardët e tyre, kanë goditur me grushte dhe sende të forta, si dhe kanë kërcënuar me jetë djalin e ortakës tjetër të shoqërisë, z. Sokol Agalliu, pasi ky i fundit ka zbuluar dhe i ka akuzuar ata për vjedhjen e 500 milionë lekëve të vjetra nga arka e kompanisë dhe vjedhjen e 750 m2 tek “Manastiri Resort”.
Aktualisht, z. Sokol Agalliu ndodhet në urgjencën e spitalit Salus në gjendje të rëndë për shkak të goditjeve në kokë dhe po kryen skaner.
