Pas vizitës në ambientet e burgut të Fierit, kreu i PD, Sali Berisha tha se rasti i deputetit Ervin Salianji, i cili vuan një dënim të cilësuar si të padrejtë, si pasojë e denoncimeve të tij kundër trafikut të drogës dhe grupeve kriminale. Deklarata vjen nga kreu i PD, Sali Berisha pas vizitës bërë në burg ish deputetit Salianji, i cili në kohën kur shërbente si përfaqësues i Kuvendit të Shqipërisë, publikoi një regjistrim që zbulonte përfshirjen e Agron Xhafës, një individ me lidhje të forta familjare dhe politike, në trafikun ndërkombëtar të drogës nga Shqipëria drejt Italisë.
Sipas Berishës, "regjistrimi i bërë publik faktonte se Agron Xhafa drejtonte aktivitetin kriminal nga Vlora, ndërsa vëllai i tij, Fatmir Xhafa, një figurë e njohur politike, dhe Olsi Rama, vëllai i kryeministrit Edi Rama, konsiderohen si persona që kanë mbështetur dhe mbuluar këto aktivitete.
Salianji, i cili goditi drejtpërdrejt dy nga klanet më të fuqishme në Shqipëri, klanin Rama dhe klanin Xhafa, u përball me presione të ashpra. Sot, ai ndodhet në një situatë ku dënimi i tij shihet si një hakmarrje politike dhe një mjet për të heshtur denoncuesit e korrupsionit dhe krimit të organizuar".
