Partia Demokratike e drejtuar nga Sali Berisha, do të zhvendos tashmë protestën nga Bashkia e Tiranës drejt SPAK-ut. Këtë e ka paralajmëruar Belind Këlliçi, i cili është shprehur se javën e ardhshme demkratët e udhëhequr prej tij do të organizojnë protestën para dyerve të Prokurorisë së Posaçme.
“Sezoni i protestave dhe i denoncimeve, në javën tjetër ne do zhvendosemi dhe do të fillojmë në mënyrë permanente denoncimet nga zyrat e organizatës partnere të PS-së, që është SPAK-u. Zyrtarisht tashmë, PS ka tre forume partnere. Ka forumin rinor, ka forumin e gruas dhe forumin e drejtësisë të drejtuar nga Altin Dumani i cili me paraqitjen që ka bërë ditën e hënë në parlament i ka faktuar gjithë qytetarëve shqiptarë që është një prokuror i cili po përdoret politikisht. Ditën e hënë në parlament, çdo shqiptar ka marrë një mesazh të qartë, Dumani është në shërbim të pushtetit, në shërbim të regjimit’” – është shprehur Këlliçi.
Kreu i SPAK, Altin Dumani, ka qenë vazhdimisht shënjestra e Berishës dhe demokratëve të drejtuar prej tij që kur ky i fundit mori masën arrest në shtëpi.
