Drejtori i Agjencisë për Zhvillim Bujqësor dhe Rural, Oltjon Muzaka, ka dhënë drorëheqjen nga detyra para pak ditësh. Muzaka ka qenë i emëruar në krye të këtij institucioni në kohën kur Ministrinë e Bujqësisë e drejtonte Frida Krifca.
AZHBR ka damkën e korrupsionit dhe vjedhjes së mbi 30 milionë eurove nga fondet e Bashkimit Europian përmes programit IPARD, ndërsa ish ministrja dyshohet si përgjegjësja kryesore për të gjithë skemën e vjedhjes së fondeve europiane të dedikuara për Shqipërinë.
Zyra antikorrupsion në BE, OLAF, ka konfirmuar vjedhjen e mbi 30 milionë eurove dhe për këtë ka bllokuar vijimin e programit, ndërsa për këtë ka edhe një hetim nga SPAK, e konfirmuar kjo një ditë më parë në Kuvend nga kreu i Prokurorisë së Posaçme.
Pas ikjes së Muzakës, në vend të tij është komanduar përkohësisht Ardita Kuçi, e cila ka qenë më parë punonjëse në këtë agjenci që tashmë pothuajse nuk bën asgjë përvçse administron fondet e Skemës Kombëtare për sektorin e bujqësisë.
