Belind Këlliçi ka shkuar sot para dyerve të SPAK për të denoncuar paaftësinë e Prokurorisë së Posaçme për të hetuar Erion Velinë.
Duke e etiketuar SPAK organizatë partnere të Partisë Socialiste, Belind Këlliçi ka ngjitur dhe një fletërrufë me udhëzime dhe kritika për prokurorët. Edhe pse nuk njihet si jurist, zoti Këlliçi kritikon dhe këshillon drejtuesin Altin Dumani për punën e tij. Çështja e inceneratorit të Tiranës është prej kohësh në hetim nga SPAK. Për një pjesë e personave të përfshirë në këtë aferë kanë lëshuar fletë arrestet duke u cilësuar si “grup i strukturuar kriminal”. Për personat e tjerë, përfshirë dhe Erion Veliajn apo familjarë të ti vijojnë edhe hetimet pasurore.
Se çfarë e nxiton Këlliçin që të marrë përgjigje për një çështje që po vazhdon të hetohet kjo nuk është e qartë. Sikundër premtimi i zotit Këlliçi për ta zhvendosur protestën nga Bashkia e Tiranës tek dyert e SPAK mbetet i pambajtur. Edhe pse ndoshta Belind Këlliçi ka menduar ta zhvillojë këtë protestë një ditë tjetër. Deri atëherë, pritet të shihet se ç’mbështetje do të ketë kjo inisiativë nga deputetët dhe eksponentët e tjetë të PD-së, të cilët deri më tani kanë heshtur për këtë inisiativë.
