Argita Malltezi, vajza e Sali Berishës ka organizuar një konferencë për mediat bashkë me avokatët e tij.
Ndër të tjera ajo deklaroi se nuk mbështet hapjen e listave për deputetë.
"Listat e hapura nuk e përligjin zbatimin e ligjit në Shqipëri, ndaj mendoj se nuk është momenti për hapjen e listave- kështu deklaroi sot Argita Malltezi në një konferencë për shtyp. Sipas saj bashkimi i votave të PD dhe PS për votën e emigrantëve është një premtim i mbajtur i demokratëve."
Zonja Malltezi komentoi dhe ndryshimet në qeverinë ku tha se ndryshimet në qeverinë Rama me ministra jo politikë nuk i plotësojnë kushtet për qeveri teknike që ka kërkuar PD. Vajza e kryetarit të PD prej muajsh është angazhuar në mbrojtjen juridike dhe publike të babait të saj. Ajo vetë dhe personazhe pranë Sali Berishës nuk e kanë përjashtuar mundësinë e përfshirjes së Argita Malltezit në politikë dhe në PD.
Malltezi tha se si Berisha dhe si bashkëshorti i saj janë të burgosur politik. Sipas saj masa e tyre “arrest në shtëpi” po vijohet me argumet se ekziston rreziku i ikjes, sepse kanë mundësi financiare për të ikur.
Gjykata është e detyruar të thotë si provohet rreziku i ikjes. Asnjë provë nuk ka. SPAK thotë se ekziston rreziku i ikjes sepse kanë mundësi financiare për të ikur. Ky është argumenti që jep SPAK. Janë dy persona që vuajnë dënimin në mënyrë individuale, Jamarbër Malltezi është në arrest shtëpie që në 20 tetor, Sali Berisha është në arrest që në 30 dhjetor. Për të dy është i njëjti argument, kanë mundësi financiare për të ikur.
Nuk është e vërtetë se Berisha po mbahet nën hetim se paska filluar tani hetimi pasuror ndaj Berishës, hetimi pasuror ka 4 vjet që ka filluar- deklaroi zonja Malltezi.
