Kapiteneria e Portit te Durrësit ende nuk ka marrë vendim per ankorimin e anijes Moliva e cila ktheu mbapsht nga Turqia 102 kontejneret me mbetje te dyshuara te rrezikshme të kompanisë Kurum qe u eksportuan drejt Tajlandës nga Sokolaj shpk pa marrë miratimin e shtetit prites.
Prokuroria ka firmosur një urdhër sekuestro të kontejnerëve, por ende nuk eshtë zbatuar urdhri sepse anija nuk është ankoruar në Port. Duke mos u shkarkuar kontejnerët nuk mund të merren as mostrat e mbetjeve që të mund të dergohen për analizë. Skandali me mbetjet e dyshuara të rrezikshme prej muajit korrik ka perplasur institucionet. Ndërsa qeveria ka heshtur lidhur me kete ceshtje.
Prokuroria nga ana tjeter ende nuk ka dalë me ndonje konkluzion.
